Fljótsdalshéraði
360°
Hér má sjá 360° mynd af Fellaheiði sem var tekin fyri ofan Fjallssel 7. ágúst 2023. hægt er að stækka myndina með því að smella á kassann í horninu, uppi til hægri. Fleiri myndir má skoða ef smellt er á linkinn fyrir neðan.
Vefmyndavélar
Vefmyndavélar hafa verið notaðar um nokkurt skeið til að fylgjast með umgangi refa við Fjallssel. Nú í sumar var bætt við myndavél á fjallsbrúninni sem horfir til austurs yfir héraðið. Þessi myndavél er tengd þráðlaust inná sveitanet Rafeyjar og gengur á rafgeymum og sólarsellu. Til að lágmarka orkunotkun var komið fyrir smátölvu sem kveikir á búnaði á morgnana og slekkur aftur á kvöldin. Einnig sér tölvan um að fylgjast með geymaspennu og tilkynna hana út á netið. Lifandi mynd frá þessari vél má sjá í tengli hér fyrir neðan. Myndin skiptist á mínutu fresti, milli Fjallssels og brúnar. Athugið að eftir klukkan 22 og til 7, sést einnugis mynd frá Fjallsseli.
Vegagerð í Fjallsseli
Ráðist var í lagfæringar á veginn uppí Fjallssel.
Til verksins voru fengnir valinkunnir menn sem
keyrðu efni í veginn sem var svo malað á staðnum,
af mikilli snilld.
Telja Rangá vera góðan virkjunarkost og vilja selja orkuna beint til notenda
HUGSANLEGA verður Rangá, sem rennur úr Fellaheiði og á upptök sín í Sandvatni, virkjuð. Áin rennur á mörkum Fellahrepps og Tunguhrepps hins forna og yrði, ef til kæmi, virkjuð í Fellum þar sem hún rennur úr Sandvatni, en stöðvarhús yrði við Fjallssel.
Rangárhnjúkur (N65°19.410-W14°35.498) // 4 klst.
Auðveldast er að ganga vegarslóða frá Fjallsseli. Þegar upp er komið er farið út af veginum og gengið út á Rangárhnjúkinn þar sem hólkurinn með gestabók og stimpli er. Gaman er að fara niður hjá Egilsseli og ganga síðan veginn í Fjallssel. Er þá gengið framhjá Dansgjá, sem er sérkennileg gjá eða sprunga í gegnum klettaás, vestur af Staffellsbjörgum rétt við veginn.